IshYoo qo‘llanmasi
IshYoo’dan qanday foydalanish — qadamma-qadam. Sayt va ilovada hisob bitta: bir joyda boshlagan ishingizni ikkinchisida davom ettirasiz.
Ish izlovchilar uchun
- 1
Ro‘yxatdan o‘ting
“Ro‘yxatdan o‘tish” tugmasini bosing, “Ish izlayapman”ni tanlang va telefon raqamingizni yozing. Raqamga kelgan SMS kodni kiriting va parol o‘ylab toping.
Vakansiyalarni ro‘yxatdan o‘tmasdan ham ko‘rishingiz mumkin — ariza yuborish uchun hisob kerak.
- 2
Rezyume yarating
Kabinetda “Rezyumelar” → “Yangi rezyume”. Usta sizdan kerakli narsani so‘raydi:
- lavozim va kasb;
- tajriba va ta’lim;
- ko‘nikmalar va tillar;
- kutilgan maosh va ish turi.
Har qadam o‘zi saqlanadi. Rezyumeni ochiq qilsangiz, ish beruvchilar qidiruvda topadi; yopiq rezyumeni faqat siz ariza yuborgan ish beruvchi ko‘radi.
- 3
Vakansiya qidiring
Qidiruvga lavozim yoki kasbni yozing. Shahar, maosh, tajriba va ish turi bo‘yicha filtrlang. Yoqqan vakansiyani yurakcha bilan saqlang — u “Saqlanganlar”da turadi.
Qidiruvni saqlasangiz, yangi mos vakansiya chiqqanda xabar beramiz.
- 4
Ariza yuboring
Vakansiya sahifasida “Ariza yuborish”ni bosing va rezyumeni tanlang. Ish beruvchiga qisqa xat yozishingiz mumkin — bu sizni boshqalardan ajratib turadi.
Arizangiz holatini “Arizalar” bo‘limida ko‘rasiz: ko‘rib chiqilmoqda, taklif, rad yoki ishga olindi.
- 5
Ish beruvchi bilan yozishing
Ish beruvchi arizangizga javob berganda yoki sizni suhbatga chaqirganda chat ochiladi. Shundan keyin bemalol yozishasiz. Bu qoida sizni keraksiz xabarlardan, ish beruvchini esa spamdan saqlaydi.
- 6
Profil va ko‘rinish
Profilda ism, rasm, shahar va ish qidirish holatini o‘zgartirasiz. “Ko‘rinish” bo‘limida sayt va ilova fonini tanlaysiz: yorug‘, qorong‘i yoki telefon/kompyuter sozlamasi bo‘yicha.
Hisobingizni istalgan payt profildan o‘chirishingiz mumkin.
Ish beruvchilar uchun
- 1
Ro‘yxatdan o‘ting va kompaniyani to‘ldiring
“Xodim izlayapman”ni tanlang, telefon raqamingizni SMS kod bilan tasdiqlang. Keyin “Kompaniya” bo‘limida nom, logotip, soha va qisqa tavsifni yozing — to‘liq karta nomzodlarda ishonch uyg‘otadi.
- 2
Vakansiya joylang
“Vakansiyalar” → “Yangi vakansiya”. Usta lavozim, maosh, ish joyi, jadval va talablarni so‘raydi; har qadam qoralama sifatida saqlanadi.
Nashr qilish uchun kamida lavozim, tavsif va joy bo‘lishi kerak. Nashrdan keyin vakansiya qidiruvda va ilovada chiqadi.
- 3
Hisob raqami va balans
Har kompaniyaning 7 xonali hisob raqami bor — u “Hisob va to‘lovlar” bo‘limida turadi. Balansni Click yoki Payme ilovasida shu raqam bo‘yicha to‘ldirasiz; pul bir necha soniyada tushadi.
Vakansiya narxi va paketlar kabinetda ko‘rsatiladi. Paket olsangiz, bir vakansiya arzonroq tushadi.
- 4
Promokod
Promokod bo‘lsa, “Hisob va to‘lovlar” → “Promokod”ga kiriting. Kod bepul nashrlar yoki chegirma beradi — nima berishini kiritganda ko‘rasiz. Har kompaniya bitta kodni bir marta ishlatadi.
- 5
Topga chiqaring
Vakansiya ko‘proq ko‘rilsin desangiz, “Topga chiqarish”ni tanlang: bir necha soat yoki ma’lum sondagi ko‘rishgacha u lentaning boshida turadi.
- 6
Arizalar bilan ishlang
“Javoblar” bo‘limida har vakansiyaga kelgan arizalar. Nomzodni taklif qiling, suhbatga chaqiring, rad eting yoki ishga oling — nomzod holatni darhol ko‘radi.
Siz birinchi yozganingizda yoki taklif qilganingizda chat ochiladi.
- 7
Rezyume qidiring
Ochiq rezyumelarni kasb, tajriba va maosh bo‘yicha qidiring. Yoqqanini saqlab qo‘ying va o‘zingiz bog‘laning.
Ilova va xavfsizlik
- 1
Mobil ilova
IshYoo ilovasi Play Market’da. Saytdagi hamma ish ilovada ham bor: rezyume, vakansiya, to‘lov, chat va bildirishnomalar.
- 2
Xavfsizlik qoidalari
- Ishga olish uchun hech kimga oldindan pul to‘lamang.
- SMS kodni hech kimga aytmang — IshYoo xodimlari uni hech qachon so‘ramaydi.
- Shubhali e’lon yoki xabarni chatdagi “Shikoyat” orqali bildiring, kerak bo‘lsa yozuvchini bloklang.